Tond kam karne ke tips jo aapko use nahi karne chahiye

0

Aajkal sabhi ko apna vajan kam karne ki jaldi rehti hai aur is jaldi me log tarah tarah ke upay aur tarike use karte hai fir chahe wo sahi hon ya galat bas sabko jaldi rehti hai apni badhi hui tond ko kam karne ki. Hame pata hai aap fit hona chahte hain lekin hum ye nahi chahte ki aap unhealthy upay apnakar galat dhang se apna weight lose karein. Kuch cases me hamein khas taur par dheyan rakhne ki jarurat hoti hai ki ham galat weight loss tips use na karein jaisi ki pregnancy ya delivery ke baad. Aap yadi mote ho rahe hain to aapko jarurat hai sahi diet, regular exercise, sahi neend, discipline, patience aur sahi lifestyle habits ki. Lekin kuch log celebrities se inspire hokar galat tarike apna lete hai aur unhe uski acchi khasi keemat chukani padti hai.

Yaha ham aapko apni tond ghatane ke wo 7 tarike batane wale hain jo ki aapko kabhi nahi use karne chahiye.

reduce tummy
reduce tummy

Tond kam karne ke Galat Tarike | Unhealthy Ways to lose weight in Hindi

Starving- bhookhe rehna

loading...

Hum sabhi ko ek hi raat me patla hone ki jaldi rehti hai aur bhookhe rehna aisa hi ek tarika hai jise bahut se log apni tond kam karne ke liye use karte hain.Kyonki wo sochte hain ki aisa karne se wo bahut jaldi fit ho jaynge.Isse kuch logo ko results to milte hain lekin wo short term hote hai aura age chalkar wo aur adhik mote hone lagte hain. Iska karan hai…

ki jab aap apni body ko bhookha rakhte hain tab aapki body ka automatic response chalu ho jata hai. Aapki body ko lagta hai ki usme calories ki kami ho rahi hai aur energy ki bhi. Isliye body ka automatic response thoda sa bhi khana milte hi usse fat ke roop me store karne lagti hai means aage ke liye store kar leti hai. Isliye fir aap apna normal bhojan bhi khate hain to wo fat ke roop me aapki body me store hone lagta hai falsavroop aapka vajan badh jata hai.

Isliye aapko ek halke fluke sahi diet plan ki jarurat hai na ki dieting ki.

Diet pills khana

Ye motapa ghatane ke doosra unhealthy upay hai jisme aapko pills ke nirmata pills kha kar kuch hi dino me ek dum sudol hone ka dawa karte hain. Aur jin logo ko bahut jaldi weight loss karne ki jarurat hoti hai wo is chakkar me aasani se pad jate hain. Mana ki ye goliyan aapki metabolism ko bada sakti hai, aapko kam khane ke liye prarit kar sakti hai aur shareer me fat ke avshoshan ko kam kar sakti hain. Lekin aapko inke side effects ke bare me nahi pata. Aksar aisi motapa kam karne wali dawa insomnia (neend na aana), heart problems, liver damage, high blood pressure, aur pet ki kayi problems keliye jimedaar hoti hain.

Isliye aapko aisi dawa se hamesha bachna chahiye. Aur yadi aap koi goli use kar rahe hai to use turant band karke apne doctor se checkup karva lena chahiye.

Cleansing diet ya pills

Patla hone ka ek aur tarika jo ki aksar logo ko karne ki salah di jati hai aur wo hai color cleaning karna. Baat yadi ek baar colon cleansing ki ho to theek hai usse aapka pet saaf hoga lekin yadi aap cleaning ke liye diye jane wale laxative par dependent hojate hain to wo bahut hi unhealthy weight loss practice mani jayegi.

Kuch color cleaning diet companies aapko unki diet use karne ki salah deti hai aur un companies ka claim hota hai ki diet ko ek baar lete hin 2-3 kilo kam ho jaynge nahi to paise wapas….aapne dekha hai na aisa hi kuch tv pe??????

To janiye iska sach…….aapke shareer mein 2 se 2.5 kg mal yani stool rehta hai jo ki colon cleansing diet ya cleansing pills (laxative) lene ke baad body se nikal jata hai aur ab jab aap apna weight study karte hain to wo ek dum se 6 pounds tak kam milta hai. aapko lagta hai ki wah ye to kamal ho gaya…lekin dosto jagruk bano wo kamal diet ka bilkul nahi hai. Aap fiber rich diet aur fruits aur vegetables kha kar bhi wo kamal khud kar sakte hain.

Mat Khaiye One Item Diet

kuch logo ko fitness experts ya celebrities one item diet khane ki salah dete hain jaise lemon water diet, cabbage soup diet aur na jane kya kya……Ek hi parkar ya ek vishesh item wali diet khane se aapke shareer mein poshak tatvo (nutrients) ki kami hone lagti hai aur aapke body ke kayi functions jaise heart function, brain functions, immune system aadi sabhi function parbhavit hone lagte hain jiska bhavishaya me parinaam ghatak sabit ho sakta hai.

Isliye kabhi bhi one item diet ke chakkar me padkar apne shareer ke saath khilwas mat kariye. Aapko sahi matra me protein, fiber, vitamins, aur minerals ki jarurat hoti hai. isliye aap apne dietician ya weight loss expert se milkar ek sahi diet plan banvayein aur use exercise ke saath roj follow karein.

Ulti karna ya fir khana bahar faink dena

Kuch log tond kam karne ke liye ek bahut hi bhayanak tarika apnate hain jise purging kehte hain. Iska arth hai ki chabaye hue bhojan ko bahar faink dena ya fir khana kha kar ulti kar dena. Aisa karne se aapki body par bahut hi bura asar padta hai saath hi aapke stomach acid aapke teeth, esophagus aur mouth ko bhi nuksan pahuchata hai. Is kriya se shareer me poshank tatvo aur electrolytes ki kami ho jati hai aur aapke heart, kidney, stomach aur doosre organs par iska bahut burn effect padta hai.

Bahut bhari exercise karna

Kuch log jaldi mascular aur fit hone ke liye bahut bahri exercise bahut lambe samay tak karne lag jate hain. Lekin hum aapko ye bata dein ki aisa karne se aapki muscle cut aur fatke bahut hi shatigrast ho jati hain jisse muscle loss ki problem paida hoti hai. Saath hi aisa karne se aksar muscle ya doosre parkar ki injury hone ke bhi poore chances rehte hain.

Isliye exercise hamesha sahi weight se, limited time aur aur limit me hi karni chahiye. Saath hi kisi acche trainer ki dekh rekh mein.

Smoking aur tobacco 

Tond ya vajan ghatane ka ek ye bhi tarika hai jo ki bilkul unhealthy hai. kuch logo ke anusaar tobacco aur cigarette me paya jane wala nicotine se appetite kam hota hai jisse bhook kam ho jati hai aur falsavroop aap kam khate hain aur vajan kam hone lagta hai. Aisa hota hai ya nahi ye science nahi manti par research ye jaroor kehti hai ki us weight ka aap kya kareinge jab aapki life hi na ho ya aapko koi bimari ho. Ye baat sahi hai kyonki aap khud jante hain ki aisa karne se aapko mouth cancer, lung cancer, throat cancer jaise gathak bimariyaan ho sakti hain, Saath me research ye bhi kehti hai ki tobacco ko kisi bhi roop me upyog karne se aapki life bhi kam hoti jati hai.

Tp doston aapne jane tond ghatane ke galat tarike aur upay. In tips se seekh lijiye aur kabhi bhi inhe follow mat kijiye. Vajan ghatane ka ek matra formula ya mantra hai aur wo hai …sahi diet+ exercise +achi neend+ patience+ motivation = healthy weight loss.

लोगों की इतनी help की लेकिन youtube चैनल subscribe किसी ने नहीं किया अभी तक

 

loading...

LEAVE A REPLY